Announcement

Collapse
No announcement yet.

Surjit Pattar Poetry.Megathread

Collapse

Unconfigured Ad Widget

Collapse
This is a sticky topic.
X
X
  • Filter
  • Time
  • Show
Clear All
new posts

  • Surjit Pattar Poetry.Megathread

    ਬੇਦਾਗ ਨੇ ਉਹ ਸਾਰੇ ਬੱਸ ਦਾਗਦਾਰ ਮੈਂ ਹੀ
    ਉਹ ਲਿਸ਼ਕਦੇ ਨੇ ਸ਼ੀਸ਼ੇ ਮੈਲੀ ਨੁਹਾਰ ਮੈਂ ਹੀ
    ਤੁਸੀਂ ਖੁਦ ਹੀ ਧਿਆਨ ਮਾਰੋ, ਕਿੰਨਾ ਕਠਿਨ ਹੈ ਯਾਰੋਂ,
    ਏਨੇ ਖੁਦਾਵਾਂ ਅੰਦਰ ਇਨਸਾਨ ਹੋ ਕੇ ਜਿਉਣਾ;........Surjit singh patar

  • #2
    Re: Surjit Pattar Poetry.Megathread

    ਖਿੜਦੀਆਂ ਨੇ ਜਦ ਕਪਾਹਵਾਂ ਇਹ ਦੁਆਵਾਂ ਕਰਦੀਆਂ,
    ਹਾਇ ! ਨਾਂ ਬਣਨਾ ਪਵੇ, ਹਤਿਆਰਿਆਂ ਦੀਆਂ ਵਰਦੀਆਂ।"

    ਪਾਤਰ

    Comment


    • #3
      Re: Surjit Pattar Poetry.Megathread

      ਮੇਰੀ ਖੁਦਕੁਸ਼ੀ ਦੇ ਰਾਹ ਵਿੱਚ , ਸੈਆਂ ਹੀ ਅੜਚਨਾਂ ਨੇ
      ਕਿੰਨੇ ਹਸੀਨ ਚਿਹਰੇ , ਨੈਣਾਂ ਦੇ ਗੋਲ ਘੇਰੇ
      ਸ਼ਾਮਾਂ ਅਤੇ ਸਵੇਰੇ
      ਮੇਰੀ ਖੁਦਕੁਸ਼ੀ ਦੇ ਰਾਹ ਵਿੱਚ , ਸੈਆਂ ਹੀ ਅੜਚਨਾਂ ਨੇ
      ਮੇਰਾ ਰਾਜ਼ਦਾਨ ਸ਼ੀਸ਼ਾ,ਮੇਰਾ ਕਦਰਦਾਨ ਸ਼ੀਸ਼ਾ
      ਮੈੰਨੂ ਆਖਦਾ ਏ ਸੋਹਣੀ , ਇੱਕ ਨੌਜਵਾਨ ਸ਼ੀਸ਼ਾ
      ਏਹੋ ਤਾਂ ਮੁਸ਼ਿਕਲਾਂ ਨੇ
      ਮੇਰੀ ਖੁਦਕੁਸ਼ੀ ਦੇ ਰਾਹ ਵਿੱਚ , ਸੈਆਂ ਹੀ ਅੜਚਨਾਂ ਨੇ
      ਇੱਕ ਆਸ ਏ ਮਿਲਣ ਦੀ , ਮੇਰੇ ਸਾਂਵਰੇ ਸੱਜਣ ਦੀ
      ਕੁਝ ਕਿਹਣ ਦੀ ਸੁਣਨ ਦੀ
      ਇਹ ਕਿਹਕੇ ਉਸਨੇ ਸੀਨੇ ,ਲੱਗਣਾ ਤੇ ਿਸਸਕਣਾ ਏ
      ਮੇਰੀ ਖੁਦਕੁਸ਼ੀ ਦੇ ਰਾਹ ਵਿੱਚ , ਸੈਆਂ ਹੀ ਅੜਚਨਾਂ ਨੇ
      ਇੱਕ ਰਾਤ ਹੋਈ ਮੇਰੀ ਜੀਵਨ ਦੇ ਨਾਲ ਅਣਬਣ
      ਮੈ ਮਰਨ ਤੁਰੀ ਤਾਂ ਲੱਗ ਪਈ ,ਪਾਜੇਬ ਮੇਰੀ ਛਣਕਣ
      ਬਾਹੋਂ ਪਕੜ ਬਿਠਾਇਆ , ਟੁੱਟ ਪੈਣੈ ਕੰਗਣਾ ਨੇ
      ਮੇਰੀ ਖੁਦਕੁਸ਼ੀ ਦੇ ਰਾਹ ਵਿੱਚ , ਸੈਆਂ ਹੀ ਅੜਚਨਾਂ ਨੇ
      ਸੂਰਜ ਅਤੇ ਸਿਤਾਰੇ, ਮੇਰੇ ਰਾਹ ‘ਚ ਚੰਨ ਤਾਰੇ
      ਮੈਨੂੰ ਘੇਰਦੇ ਨੇ ਸਾਰੇ, ਆ ਜਾ ਕੇ ਖੇਡਣਾ ਏ
      ਮੇਰੀ ਖੁਦਕੁਸ਼ੀ ਦੇ ਰਾਹ ਵਿੱਚ , ਸੈਆਂ ਹੀ ਅੜਚਨਾਂ ਨੇ

      ਸੁਰਜੀਤ ਪਾਤਰ

      Comment


      • #4
        Re: Surjit Pattar Poetry.Megathread

        ਜਿਸ ਨਾਲੋਂ ਮੈਨੂੰ ਚੀਰ ਕੇ ਵੰਝਲੀ ਬਣਾ ਲਿਆ
        ਵੰਝਲੀ ਦੇ ਰੂਪ ਵਿਚ ਮੈਂ ਉਸ ਜੰਗਲ ਦੀ ਚੀਕ ਹਾਂ

        ਅੱਗ ਦਾ ਸਫ਼ਾ ਹੈ ਉਸ ਤੇ ਮੈਂ ਫੁੱਲਾਂ ਦੀ ਸਤਰ ਹਾਂ
        ਉਹ ਬਹਿਸ ਕਰ ਰਹੇ ਨੇ ਗ਼ਲਤ ਹਾਂ ਕਿ ਠੀਕ ਹਾਂ - ਸੁਰਜੀਤ ਪਾਤਰ

        Comment


        • #5
          Re: Surjit Pattar Poetry.Megathread

          ਹੈ ਮੇਰੇ ਸੀਨੇ ਚ ਕੰਪਨ , ਮੈਂ ਇਮਤਿਹਾਨ ਚ ਹਾਂ
          ਮੈਂ ਖਿੱਚਿਆ ਤੀਰ ਹਾਂ ਐਪਰ ਅਜੇ ਕਮਾਨ ਚ ਹਾਂ

          ਬਚਾਈਂ ਅੱਜ ਤੂੰ ਕਿਸੇ ਸੀਨੇ ਲੱਗਣੋਂ ਮੈਨੂੰ
          ਕਿ ਅੱਜ ਮੈਂ ਪੰਛੀ ਨਹੀਂ ,ਤੀਰ ਹਾਂ ,ਉਡਾਣ ਚ ਹਾਂ - ਪਾਤਰ

          ਛੁਪਾ ਕੇ ਰੱਖਦਾ ਹਾਂ ਤੈਥੋਂ ਮੈਂ ਤਾਜ਼ੀਆਂ ਨਜ਼ਮਾਂ
          ਮਤਾਂ ਤੂੰ ਜਾਣ ਕੇ ਰੋਵੇਂ ਮੈਂ ਕਿਸ ਜਹਾਨ ਚ ਹਾਂ

          ਜ਼ਮੀਨ ਰੱਥ ਹੈ ਮੇਰਾ ,ਬਿਰਖ ਨੇ ਮੇਰੇ ਪਰਚਮ
          ਤੇ ਮੇਰਾ ਮੁਕਟ ਹੈ ਸੂਰਜ ,ਮੈਂ ਬਹੁਤ ਸ਼ਾਨ ਚ ਹਾਂ

          ਗ**਼ਜ਼ਲ ਮੈਂ ਲਿਖਦਾਂ ਕਿ ਬੂਹਾ ਨਹੀਂ ਤਾਂ ,ਬਾਰੀ ਬਣੇ
          ਉਦੀ ਦੀਵਾਰ ਚੋਂ , ਕੈਦੀ ਮੈਂ ਜਿਸ ਮਕਾਨ ਚ ਹਾਂ

          Comment


          • #6
            Re: Surjit Pattar Poetry.Megathread

            ਤੂੰ ਬੇਚੈਨ ਕਿਉਂ ਹੈਂ ਤੂੰ ਰੰਜੂਰ ਕਿਉਂ ਹੈਂ
            ਤੂੰ ਸੀਨੇ ਨੂੰ ਲੱਗ ਕੇ ਵੀ ਇਉਂ ਦੂਰ ਕਿਉਂ ਹੈਂ

            ਉਹ ਸੂਲੀ ਚੜ੍ਹਾ ਕੇ ਉਨੂੰ ਪੁੱਛਦੇ ਨੇ
            ਤੂੰ ਸਾਡੇ ਤੋਂ ਉੱਚਾ ਐ ਮਨਸੂਰ ਕਿਉਂ ਹੈਂ - ਪਾਤਰ

            Tun Be-Chain Kyun Hai, Tun Ranjoor Kyun Hain
            Tun Seene Nu Lag Ke Vi Iyun Door Kyun Hain
            Oh Sooli Chadha Ke Ohnu Puchde Ne
            Tun Saade Ton Ucha en, Mansoor Kyun Hain

            Comment


            • #7
              Re: Surjit Pattar Poetry.Megathread

              ਦਮ ਰਖ ਪਾਤਰ ਦਮ ਰਖ, ਆਸ ਨਾ ਛਡ ਦਿਲ ਥਮ ਰਖ,
              ਸੁਪਨੇ ਖੁਰਨ ਨਾ ਦੇਵੀ ਅਖੀਆ ਭਾਵੇ ਨਮ ਰਖ,
              ਤੁਰਿਆ ਚਲ ਨਿਰੰਤਰ, ਚਾਲ ਬੇਸ਼ਕ ਮੱਧਮ ਰਖ,
              ਸੋਚ ਸਮਝ ਚੁਣ ਰਸਤਾ, ਹਿੰਮਤ ਨਾਲ ਕਦਮ ਰਖ

              Dam Rakh Patar Dam Rakh, Aas Na Shad Dil Tham Rakh
              Supne Khurn Na Devin Akhian Bhaven Nam Rakh
              Tureya Chal Nirantar, Chaal Beshaq Madham Rakh
              Soch Samajh Chun Rasta, Himmat Naal Kadam Rakh

              Comment


              • #8
                Re: Surjit Pattar Poetry.Megathread

                ਮਰ ਰਹੀ ਹੈ ਮੇਰੀ ਭਾਸ਼ਾ – ਸੁਰਜੀਤ ਪਾਤਰ

                ਮਰ ਰਹੀ ਹੈ ਮੇਰੀ ਭਾਸ਼ਾ ਸ਼ਬਦ ਸ਼ਬਦ
                ਮਰ ਰਹੀ ਹੈ ਮੇਰੀ ਭਾਸ਼ਾ ਵਾਕ ਵਾਕ
                ਧੰਮੀ ਵੇਲਾ, ਪਹੁ-ਫੁਟਾਲਾ, ਛਾਹ ਵੇਲਾ, ਲ਼ੌਢਾ ਵੇਲਾ
                ਦੀਵਾ ਵੱਟੀ, ਖਉਪੀਆ, ਕੌੜਾ ਸੋਤਾ,
                ਢਲਦੀਆਂ ਖਿੱਤੀਆਂ,
                ਘੜੀਆਂ, ਪਹਿਰ, ਬਿੰਦ, ਪਲ, ਛਿਣ, ਨਿਮਖ ਵਿਚਾਰੇ
                ਮਾਰੇ ਗਏ ਇਕੱਲੇ ਟਾਈਮ ਹੱਥੋਂ ਸਾਰੇ
                ਸ਼ਾਇਦ ਇਸ ਲਈ ਕਿ ਟਾਈਮ ਕੋਲ ਟਾਈਮ-ਪੀਸ ਸੀ

                Comment


                • #9
                  Re: Surjit Pattar Poetry.Megathread

                  ਦੂਰ ਜੇਕਰ ਅਜੇ ਸਵੇਰਾ ਹੈ
                  ਇਸ 'ਚ ਕਾਫੀ ਕਸੂਰ ਮੇਰਾ ਹੈ

                  ਮੈਂ ਕਿਵੇਂ ਕਾਲੀ ਰਾਤ ਨੂੰ ਕੋਸਾਂ
                  ਮੇਰੇ ਦਿਲ ਵਿੱਚ ਹੀ ਜਦ ਹਨੇਰਾ ਹੈ

                  ਮੈਂ ਚੁਰਾਹੇ 'ਚ ਜੇ ਜਗਾਂ ਤਾਂ ਕਿਵੇਂ
                  ਮੇਰੇ ਘਰ ਦਾ ਵੀ ਇੱਕ ਬਨੇਰਾ ਹੈ

                  ਘਰ 'ਚ ਨੇਰਾ ਬਹੁਤ ਨਹੀਂ ਤਾਂ ਵੀ
                  ਮੇਰੀ ਲੋਅ ਵਾਸਤੇ ਬਥੇਰਾ ਹੈ

                  ਤੂੰ ਘਰਾਂ ਦਾ ਹੀ ਸਿਲਸਿਲਾ ਹੈਂ ਪਰ
                  ਐ ਨਗਰ ਕਿਸਨੂੰ ਫਿਕਰ ਤੇਰਾ ਹੈ "PATAR"

                  Comment


                  • #10
                    Re: Surjit Pattar Poetry.Megathread

                    ਘਾਇਲ ਤਾਂ ਕਰਦਾ ਹਾਂ ਮੈਂ ਦਿਲ ਕੇਵਲ ਰਬਾਬ ਨਾਲ
                    ਇਹ ਜੋ ਤੇਗ਼ ਹੈ ਇਹ ਰਬਾਬ ਦੀ ਰਾਖੀ ਲਈ ਹੀ ਹੈ - ਪਾਤਰ

                    Comment


                    • #11
                      Re: Surjit Pattar Poetry.Megathread

                      ਉਂਜ ਤਾਂ ਉਹ ਲਿਸ਼ਕਦੀ ਸ਼ਮਸ਼ੀਰ ਸੀ
                      ਪਿਆਰ ਵਿਚ ਪਿਘਲੀ ਤਾਂ ਇਕ ਦਮ ਨੀਰ ਸੀ

                      ਮੇਰੇ ਸੀਨੇ ਲੱਗ ਕੇ ਚਸ਼ਮਾ ਬਣ ਗਿਆ
                      ਚੱਲਿਆ ਤਾਂ ਉਹ ਕਮਾਨੋਂ ਤੀਰ ਸੀ

                      ਲਫ਼ਜ਼ ਤੇ ਸੰਗੀਤ ਕੁਝ ਇਉਂ ਘੁਲ਼ ਗਏ
                      ਗੀਤ ਜਿਉਂ ਰਾਂਝਾ ਅਤੇ ਧੁਨ ਹੀਰ ਸੀ

                      ਤ੍ਰਭਕ ਕੇ ਉੱਠਿਆ ਮੇਰੇ ਪਹਿਲੂ ਚੋਂ ਉਹ
                      ਹੋਰ ਮੰਜ਼ਿਲ ਦਾ ਜਿਵੇਂ ਰਾਹਗੀਰ ਸੀ - ਸੁਰਜੀਤ ਪਾਤਰ

                      Comment


                      • #12
                        Re: Surjit Pattar Poetry.Megathread

                        ਗੰਗਾ ਮੈਲੀ ਕਰ ਦਿਓ ,ਸਤਲੁਜ ਨੂੰ ਗੰਧਲਾ ਕਰ ਦਿਓ
                        ਚਿਹਰੇ ਖ਼ੁਦ ਮਰ ਜਾਣਗੇ ਹਰ ਸ਼ੀਸ਼ਾ ਧੁੰਦਲਾ ਕਰ ਦਿਓ

                        ਵਧ ਰਿਹਾ ਹੈ ਸ਼ੋਰ ਮਜ਼ਲੂਮਾਂ ਦੀ ਚੀਕ ਪੁਕਾਰ ਦਾ
                        ਤਖ਼ਤ ਅਦਲੀ ਰਾਜੇ ਦਾ ਕੁਝ ਹੋਰ ਉੱਚਾ ਕਰ ਦਿਓ - ਸੁਰਜੀਤ ਪਾਤਰ

                        Comment


                        • #13
                          Re: Surjit Pattar Poetry.Megathread

                          ਲੱਗਾ ਹੋਣ ਦੇਖੋ ਸੂਰਜ ਅਸਤ ਲੋਕੋ
                          ਕਰ ਲਉ ਰੌਸ਼ਨੀ ਦਾ ਬੰਦੋਬਸਤ ਲੋਕੋ
                          ਸਾਡੀ ਜੂਨ ਓਹੀ ,ਲੰਘ ਲੰਘ ਜਾਂਦੇ
                          ਕਿੰਨੇ ਜਨਵਰੀ ਅਤੇ ਅਗਸਤ ਲੋਕੋ - ਪਾਤਰ

                          Comment


                          • #14
                            Re: Surjit Pattar Poetry.Megathread

                            ‎"ਕਿਸ ਤਰ੍ਹਾਂ ਦੀ ਦੌੜ ਸੀ, ਪੈਰਾਂ 'ਚ ਅੱਖਰ ਰੁਲ ਰਹੇ ਸਨ
                            ਓਹੀ ਅੱਖਰ ਜਿਹਨਾਂ ਅੰਦਰ ਮੰਜ਼ਿਲਾਂ ਦਾ ਥਹੁ ਪਤਾ ਸੀ"

                            ( ਸੁਰਜੀਤ ਪਾਤਰ )

                            Comment


                            • #15
                              Re: Surjit Pattar Poetry.Megathread

                              ਜ਼ਹਿਰ ਦਾ ਪਿਆਲਾ ਮੇਰੇ ਹੋਠਾਂ 'ਤੇ ਆ ਕੇ ਰੁਕ ਗਿਆ
                              ਰਹਿ ਗਿਆ ਮੇਰੇ ਅਤੇ ਸੁਕਰਾਤ ਵਿਚਲਾ ਫ਼ਾਸਿਲਾ
                              ਸੁਰਜੀਤ ਪਾਤਰ

                              Comment

                              Working...
                              X