Announcement

Collapse
No announcement yet.

Haar Gaya Tann Mann.Kitne Ekaaki.Kumar Vishwas Poem Lyrics & Video

Collapse
X
  • Filter
  • Time
  • Show
Clear All
new posts

  • Haar Gaya Tann Mann.Kitne Ekaaki.Kumar Vishwas Poem Lyrics & Video



    Haar Gaya Tann Mann Pukar Kar Tumhe
    Kitne Ekaaki Hain Pyar Kar Tumhe

    Jis Pal Haldi Lepi Hogi Tan Par Maane
    Jis Pal Sakhion Ne Saunpi Hongi Saugaatein
    Dholak Ki Thapon Mein Ghungroo Ki Runjhun Mein
    Ghul Kar Faili Hongi Ghar Mein Pyari Baatein
    Us Pal Meethi Si Dhun Soone Kamre Mein Sunn
    Roye Mann Chausar Par Haar Kar Tumhe
    Kitne Ekaaki Hain Pyar Kar Tumhe

    Kal Tak Jo Humko Tumko Milwa Deti Thi
    Un Sakhion Ke Prashno Ne Toka Tho Hoga
    Saajan Ki Anjuri Par Anjuri Kaanpi Hogi
    Mere Sudhion Ne Rasta Roka To Hoga
    Us Pal Socha Mann Mein Aage Ab Jeevan Mein
    Jee Leinge Hass Kar Visaar Kar Tumhe
    Kitne Ekaaki Hain Pyar Kar Tumhe

    Kal Tak Jin Geeton Ko Tum Apna Kehti Thi
    Akhbaaron Mein Padhkar Kaisa Lagta Hoga
    Saavan Ki Raaton Mein Saajan Ki Baahon Mein
    Tan To Sota Hoga Par Mann Jagta Hoga
    Us Pal Ke Jeene Mein Aansoo Pee Lene Mein
    Marte Hain Mann Hi Mann Maarkar Tumhe
    Kitne Ekaaki Hain Pyar Kar Tumhe

    -Kumar Vishwas
Working...
X